A INVENTORA DO ARCO ELÉCTRICO

En electricidade, chámase arco eléctrico ou arco voltaico á descarga eléctrica que se forma entre dous electrodos sometidos a unha diferencia de potencial e colocados no seno dunha atmósfera gaseosa.
Foi descuberto e demostrado por primeira vez pola enxeñeira, matemática, física e inventora Phoebe Sarah Marks (Hampshire 1854-Sussex 1923).
Máis coñecida como Hertha Marks Ayrton polo seu matrimonio e por que, como era unha agnóstica convencida, decidiu poñerse o nome de «Hertha», deusa da fertilidade e a Terra nai segundo a mitoloxía teutona, que era como se chamaba a heroína dun poema homónimo de Algernon Charles Swinburne, unha crítica direta ás relixións organizadas.
Loitadora polo sufraxio feminino, protectora das mulleres perseguidas por pedir o dereito ao voto, amiga de Marie Curie, foi a primeira muller en ingresar no 1899, na Institution of Electrical Engineers e no 1906 recibiu a Medalla Hugues, o premio da IEE.

Publicou, no 1902, o libro titulado O arco eléctrico e máis tarde,
preocupada polos patróns que deixaban as ondas do mar na area en forma de pequenas dunas, convertiu a súa habitación nun laboratorio con tanques de area para investigar "como se forman estos pequenos montonciños?", elaborou o seu estudo A orixe e desenvolvemento das marcas das ondas na area, unha concienzuda análise dos remoliños que fai o mar para crear estas ondeantes formas.

Escribiu: "Os erros son notoriamente difíciles de matar, pero o erro de atribuir a un home o que en realidade pertence ao traballo dunha muller, ten máis vidas que as dun gato."